協青社-Youth Outreach

協青新里程啟動典禮暨協青籃球慈善賽2025 決賽

協青社翻新咁大件事無人講！咁就等我嚟講啦，喺歷時兩年嘅翻新工程後，協青社設施已經全面翻新！協青社賽馬會大樓喺10月18日將會免費開放予公眾，大家除咗可以探索下我哋全新面貌之外，當日仲會上演協青籃球慈善賽決賽，大樓內亦高空歷奇體驗等等嘅精彩活動！

日期: 2025年10月18日

時間: 下午1時至7時

地點: 西灣河協青社賽馬會大樓

當日活動：

協青慈善籃球賽決賽 — 各大機構出錢又出力，經過多輪激戰後，到底冠軍花落誰家？

高空歷奇體驗 — 參加者可以喺協青社16樓天台體驗高空繩網陣！

青年塗鴉展覽 — 欣賞年輕人的創意藝術！

青年Busking表演 — 街頭音樂與表演！

青年工作坊 — 大人都未必識晒所有嘢，一齊睇下青年人可以教到啲咩比我哋！

青年市集 — 青年人運用佢地獨特嘅知識，製作獨一無二嘅手作物，有錢都未必買到㗎！

免費入場，適合全家參與！

今次開放日免費入場，適合一家大細一齊參加，如果想了解多啲我哋協青社嘅青年文化，記得喺10月18日過嚟玩下遊戲，支持青年，體驗社區活力！

注意事項

*高空歷奇體驗及青年工作坊* 需提前報名參加，詳情將於稍後公布，請密切留意協青社社交媒體。

支持青年文化，齊齊參與！

協青社歡迎你嘅到來，一齊見證翻新後嘅全新篇章，感受年輕世代的無限創意！

[TEST] 協青新里程啟動典禮暨協青籃球慈善賽2025 決賽